當傳統內燃機引擎已經進入倒數時候，就好像煙花最燦爛的一刻，什麼可以推出來的，都要急急地推出嚟。就好像這一台由英國一間小型車廠GTO Engineering開發的V12引擎，就是其中的一個例子。

在主流汽車生產商，發展新的V12已成為絕響，就算V8引擎已經買少見少的時候，一台能夠到達10,000rpm的V12引擎，其實都係一個成就。雖然這台自然吸氣四公升四條凸輪軸的引擎，行到一萬轉都只係得460匹馬力，以今天標準實在唔係好犀利（法拉利458 Speciale已經有133hp/liter嘅specific output，而這台V12只有115hp），但佢重量只有165kg，又實在厲害，話晒都係V12引擎喎（正常一台V12引擎，未計周邊配備，都起碼200～220kg)⋯⋯而且佢仲係會放係一架重量只得1000kg嘅復古新車到，都唔好話唔震撼。

希望煙花嘅燦爛可以陸續有嚟，兼且延續得耐啲啦！

本文原刊於： Link