講完Caterham，梗係要講返Lotus。話說買咗25年嘅Elise快將停產，作為蓮花最長壽的車款之一，Elise嘅地位都真係一啲都唔低，因為佢一直恪守Colin Chapman果一套輕就是一切的設計格言，所以佢一直係蓮花擁躉嘅心頭好，喺二手市場上的叫價能力，一直都好高。

不過，走的終須走，傷的總傷透，到今年七月，Elise壽終正寢後，一眾車迷，難免要懷緬一番。不過，以蓮花這間車廠，乜嘢都可以發生嘅情況下，將Elise好似Super 7成套生產工具和生產權咁賣出去，又唔係咩唔可以發生嘅事。蓮花佢而家放聲氣搵人去買，其實都好正常，始終Elise依然有一定的市場吸引力。而蓮花這間車廠，咁多年來缺乏的來來去去都就是一樣嘢～錢，所以咁樣賣出去，套返啲現，舐埋最後一筆，又實在合情合理不過。

不過又講真，如果真係有人肯花錢又有能力去買Elise生產模具同生產權，對廣大嘅車迷來講，一定係好事多個壞事，因為如果能夠繼續以少量生產的模式去生存落去，或許佢能夠在未來延續內燃機的壽命和小小的生存空間。

本文原刊於： Link